Nafarroako erresuma. Lur anitza

Iruña ongi lotutako hiriburua da. Sanferminetan, ordea, gainezka dabiltza garraiobide guztiak, eta hobe da bidaia aldez aurretik planifikatzea.

Autoz
Madriletik, bi bide daude Iruñera joateko. Bide bat A-2 autobia da, Medinaceliraino; gero, N-111 errepidea, Soriaraino, eta, hortik, N-122 Tuteraraino. Orduan, bi aukera dituzu: N-121 errepide nazionala eta AP-15 autopista (ordaindu behar da). Beste bidea A-1 da, Madriletik hartu behar dena, Burgos eta Gasteizera daramana.

Erne Altsasura iristen zarenean. Errepideak bi bide hartzen ditu hor: bata, Donostiarantz, eta bestea, Iruñerantz, A-15 autobiatik. Azken hori hartu behar da.

Bartzelonatik, AP-2 autopista hartu behar da, Alfajaríneraino heldu arte, Zaragozan. Hortik, AP-68 autopista hartu behar da eta, gero, AP-15, Iruñeraino eramango zaituena. Bidesaria ordaindu beharreko hiru tarte daude.

Frantziatik etorriz gero, Irundik etortzea da onena. Aukera bat N-121 errepidea hartzea da, Belatetik. Bestea, azkarragoa, Irundik Donostiaraino joatea da eta, han, A-15 autobia hartzea, Iruñeraino.

Hegazkinez
Aire bidezko garraiorako, Noiango aireportua dago, Iruñetik zazpi kilometrora. Egunero egiten ditu hegaldiak Madril eta Bartzelonara.

Noaingo aireportua: 948 16 87 00
Iberiako bulegoak: 948 31 79 55
Iberia

Hurbileko aireportuak
Bilbo 905 50 55 05
Donostia: 943 64 34 64
Zaragoza 976 71 23 00
Miarritze: 003 35 59 43 83 83
Miarritze

Trenez
Espainiako trenbide sareak (RENFE) konexioak ditu egunero Espainiako hiri garrantzitsuenekin.
- RENFEko geltokia Iruñean: Geltokiko plaza z.g. (Sanduzelai)
Tel: 948 13 02 02 (hiri garraioa: 9 linea)
- Bulegoak eta txartelen salmenta: Lizarra k. 8 Telefonoa: 948 22 72 82
- RENFE argibidea eta erreserbak: 902 24 02 02
Renfe

Autobusez
Hainbat autobus lineak lotzen dute egunero Iruña Madrilekin, Bartzelonarekin eta Espainiako beste hiri batzuekin.
- Autobus geltokia Iruñean: Yanguas y Miranda, 2.
Argibidea: 948 20 35 66
estaciondeautobusesdepamplona

Igo

Anitza da Iruñearen eskaintza Sanferminetan ostatu hartzeko: hotelak, ostatuak, pentsioak, kanpinak,... Aukera ugari, baina eskaera ere bai. Beraz, Iruñera etortzekoa bazara egun horietan, egin ezazu aldez aurretik erreserba.

Sanferminetako hasierako egunetan eta asteburuetan, bete-beteta daude guztiak (hotelak, pentsioak, kanpinak,...). Ia ezinezkoa da haietan ostatu hartzea, aldez aurretik erreserbatu ez baduzu. Gainerako egunetan, aldiz, errazagoa da. Hurbileko herriek ere ematen dute ostatu hartzeko aukera. Ez da ideia txarra, merkeagoa baita eta naturatik hurbil baitzaude.

Igo

Iruñearen eskaintza gastronomikoa zabal-zabala da, prezio askotarikoa: ostatu bateko barran jaten diren ogitartekoetatik ospe handiko jatetxe bateko jaki apartekoetara. Kontuan hartu behar da prezioak altuagoak dira Sanferminetan urtearen gainerakoan baino. Dena den, ongi eta prezio onean ere jan daiteke. Eta kontuan hartzeko beste gauza bat: patxadaz hartu beharko duzu jateko toki bat aurkitzeko abentura. Pazientzia hartu!

Bazkariak emateko ordutegia 14:00etatik 15:00etara zabaltzen da, eta afariak ematekoa, 21:00etatik 22:30era. Sanferminetan, ordea, zabalagoa izaten da. Izan ere, 17:00ak arte ematen dira bazkariak toki batzuetan, eta afariak, gaueko hamabiak arte.

Igo

Kaletik
Entzierroa ibilbidea mugatzen duen hesitik ikusi daiteke, baina kanpoko hesitik. Barnekoan, soilik korrikalariak, larrialdiko osasun zerbitzuak, kazetariak, poliziak eta abar egon daitezke.

Ezin da lekurik erreserbatu. Beraz, goizeko 6:30ean inguru joan behar da hesian lekua hartzera. Tenperatura baxu samarra da ordu horietan; beraz, jantzi arropa egokia. Behin lekua hartuta, goizeko zortziak arte itxoin behar da, une horretan botatzen baita entzierroa hasi dela adierazten duen suziria.

Dena oso azkar doa, eta nekez ikusi ahalko duzu zezenak igarotzen, hesiaren goiko aldean esertzea lortu ez baduzu, behintzat. Baina, balkoi bat izan ezean, lasterketa ikusteko aukera bakarra da.

Santo Domingo aldapan, hau da, ibilbidearen hasieran, badago beste toki bat entzierroa ikusteko. Jende asko joaten da hara, eta, horregatik, goizeko 5:30etik 6:00etara bitarte joan behar da leku bila.

Balkoi batetik
Entzierroa ikusi eta gozatzeko aukerarik onena etxe partikularren bateko balkoi batetik ikustea da. Iruñeko Turismo Bulegoan (Eslava kalea, 1. Tel.: 848 42 04 20) emango dizute zerbitzu hori eskaintzen dutenen telefonoak. Batzuetan, gosaria eta guzti ematen dizute.

Zezen plazatik
Entzierroaren amaiera zezen plazatik ikusi daiteke. Horretarako egun batzuetan, sarrera erosi behar da, entzierroaren ondoren askatzen diren bigantxak ikusteko ere eskubidea ematen duena. Plazan itxoiten eman beharreko denbora girotzeko, musika bandak jotzen du, eta ikusleek koruarena egiten dute.

Telebistan edo Interneten
Entzierroak zuzenean ematen dituzte telebistan (Canal 4), egunero, eta telebista kate gehienek ematen dituzte irudiak albistegietan. Azken urteetatik hona, Interneten ere ikusi daitezke.

Igo

Turismo jarduerak antolatzen dituzten enpresa batzuek bisita gidatuak antolatzen dituzte festetako onena erakusteko. VIP programa interesgarriak ere egin ohi dira.

Igo

Ez da batere erraza zezenketarako sarrerak lortzea, gehienak festak hasi baino lehen saltzen baitira. Soilik sarreren % 10 jartzen da salgai. Zezenketaren aurreko egunean saltzen dira, zezen plazako leihatiletan, egun horretako zezenketa bukatutakoan (21:00ak aldera). Uztailaren 7ko zezenketarako sarrerak uztailaren 6an saltzen dira, goizeko 10:00etan.

Baina, hala ere zaila da sarrerak lortzea, birsalmentan aritzen direnek sarrera guztiak erostea lortzen dutelako. Beste aukera bat da peñetan lortzea. Peñakideren bat ez bada zezenketara joatekoa, saldu egiten dute bere sarrera. Baina hori ez da jakiten azken unera arte. Beraz, peñen egoitzetara joan eta galdetu behar da. Sarrera bere prezioan salduko dizute, normalean.

Igo

Sanferminetan, onena oinez edo hiri garraioan mugitzea da. Trafikoa kaotiko samarra da egun horietan, batez ere Alde Zaharretik hurbileko kaleetan. Autoak ezin dira ibili Alde Zaharretik festetan.

Hiri garraio sarea oso zabala da, eta hamar edo hamabost minututan behin igarotzen da hiribus bat. Gainera, gaueko zerbitzua ere badago, jendea hiriko auzoetara eramateko. Hiri garraio zerbitzua Iruñerriko Mankomunitateak darama, eta bezeroari laguntzeko telefono bat dago. Tel: 901 50 25 03.

Taxia hartzea beste aukera bat da. Tarifak ofizialak dira, eta taximetroak neurtzen ditu. Iruñean, beste hiri batzuetan ez bezala, taxiak ez dira kalean hartzean. Geralekuetara jo behar da, aldiz, edo telefonoz deitu. Tele Taxi San Fermín (Tel.: 948 35 13 35) eta Radio Taxi (Tel.: 948 22 12 12).

Igo

Sanferminetan autoa ez hartzea gomendatzen da. Izan ere, kale asko itxita daude, eta zaila da aparkatzeko tokia aurkitzea. Dena den, aparkaleku batzuk daude (ordaindu beharrekoak zein doanekoak), horietako batzuk Sanferminetarako espresuki paratuta, hiriko sarreretan. Turismo Bulegoan horri buruzko informazio zehatza emango dizute.

Garabi zerbitzuak ez du jai hartzen festetan. Hobe duzu, beraz, autoa behar bezala aparkatu eta debekuei kasu egitea. Garabi zerbitzuaren telefonoa: 948 17 40 00.

Aparkatze mugatuko eremua (gune urdina) ez dabil Sanferminetan. Beraz, ez dago autoa aparkatzeko inolako denbora mugarik. Lapurreta arriskua dago. Kontuz, beraz, eta ez utzi ezer begien bistan.

Igo

Banku entitateen ordutegia
Bankuak eta aurrezki kutxak goizetan daude zabalik, oro har, 9:00etatik 14:00etara. Uztailaren 7an, San Fermin egunean, itxita egongo dira. Litekeena da entitateren bat larunbatetan ere ordu horietan zabalik egotea. Arratsaldean, itxita daude gehienak.

Edonola ere, zure bankua edo aurrezki kutxa itxita badago eta bulego irekiren bat aurkitu behar baduzu, Iruñetik hurbileko herrietan daudenetara jo dezakezu. Jaiegunetan, itxita daude bai bankuak bai aurrezki kutxak.

Moneta trukatzea
Oro har, euroa da produktuak eta zerbitzuak ordaintzeko moneta bakarra. Agian, hotelen batean erabili ahalko duzu beste monetaren bat, baina ez da batere ohikoa. Moneta trukatzeko, banku entitateetara jo behar duzu. Arazoak sortu daitezke, dena den, Europatik kanpoko monetan aldatu nahi izatekotan. Ez da dolarraren kasua, inolako arazorik gabe trukatzen baita. Kutxazain automatikoak Kutxazain automatiko ugari daude Iruñean zehar. Baina baliteke arazoak izatea dirua ateratzeko egunaren amaieran, batez ere Alde Zaharrean, diru asko-asko ateratzen baita haietatik.

Kreditu-txartelak
Inongo arazorik gabe erabili daitezke ohiko kreditu-txartelak (Visa, Mastercard edo American Express). Merkataritza establezimendu txikietan, dena den, eskudirutan ordaintzen da.

Igo

Iruñeko kale eta plaza nagusietan daude udal komun publikoak. Horietakoren batean (Antoniutti parkekoan, adibidez) dutxa zerbitzua ere badago. Bainu-etxe bat dago, Eslava kaleko 9. zenbakian, eta dutxak eta arropa garbitzeko zerbitzua ditu.

Igo

Toki bat baino gehiago dago Iruñean Internet erabiltzeko: batzuek sarean konektatzeko aukera emango dizute neurrizko prezioan eta beste batzuek, cyberkafetegiek, zerbait hartzeko aukera ere eskainiko dizute.

Igo

SOS NAVARRA: 112 (informazio orokorra edozein gorabeherari buruz).

Herritarren babesa
Udaltzaingoa 092
Foruzaingoa: 112 - 948 42 68 30
Polizia Nazionala: 091 - Chinchilla jenerala k. 3
Guardia Zibila: 062 edo 948 29 68 50 - Galizia etorb. 2
Trafikoko Guardia Zibila: 948 23 47 00

Osasun zerbitzuak
Nafarroako Ospitalea: 848 42 21 00 - Irunlarrea k., 3
Bideko Ama Birjinaren Ospitalea: 848 42 94 00 - Irunlarrea k., 4

Besterik
Jendearekiko arreta: 010 Zezen plaza: 948 22 10 59 - Amaya k., 1
Posta eta telegrafoak: 948 22 12 63 - Sarasate pasealekua, 9
Telefono bidezko telegramak: 948 22 20 00
Telefonotegi publikoak: Ernest Hemingway pasealekua, zezen plazaren ondoan
Garabi eta isun zerbitzua: 948 17 40 00
Isunetarako telefonoa: 948 42 06 06 - 948 42 06 11
Galdutako objektuak: 948 42 06 12

Igo

Nafarroako eguraldia ondoko klima hauek baldintzatzen dute: klima ozeanikoa, ipar-mendebaldeko eskualde hezeetan; klima alpetarra, ipar-ekialdean; eta mediterranearretik hurbileko klima, hegoaldeko lur idorretan.

Iruñeko udak beroak eta lehor samarrak izan ohi dira, baina freskatu egiten du gauean. Usuena eguraldi ona egin eta tenperatura altuak izatea bada ere, euri asko bota du Sanfermin batzuetan edo besteetan. Horregatik, txaketa edo jertseren bat ekartzea gomendatzen dizugu, baita eurirako jantzi bat ere.

Eguraldi iragarpenak ezagutzeko, Metereologia Institutu Nazionaleko web orrira jo dezakezu: www.inm.es

Igo

Sanferminetarako, San Frantzisko plazara eramaten da kontsigna (normalean, autobus geltokian dago), Turismo Bulegotik hurbil. Eguneko 24 orduetan dago zabalik, uztailaren 3ko goizeko zortzietatik uztailaren 16ko arratsaldeko ordu bietara.

Igo

Bulego nagusia: Tel: 948 20 72 17 - Sarasate pasealekua

Igo